Мэдрэмжийн маркетинг

Хүний зүрхнээс тархины эс олсон тухайн шинжлэх ухааны хялбаршуулсан нэвтрүүлэг үзсэн минь миний шинжлэх ухаанч бус таамаглал болох зүрх сэтгэж шийдвэрт нөлөөлдөг байж болох төсөөллийг минь хэлбэржүүллээ.

Яг үнэндээ зүрх шийдвэрт нөлөөлдөг байх утгагүй  болохоор бидний сайн мэдэх сэтгэл хөдлөл, мэдрэмж шийдвэрт ямар их нөлөөлж болдог тухай санал бодлоо хуваалцах гэсэн юм.

Хүний удирдлагын систем болох тархийг маш ерөнхий хоёр хагас бөмбөрцөгт хувааж болдог. Тархи судлаачдын их эрт нээж илрүүлсэн нээлт бол зүүн хагас бөмбөрцөгт байрлах тархи бидний логик, тоо, хэл, жагсааж бүртгэх, шинжлэх чадваруудыг удирддаг энгийнээр хэлбэл боддог тархи юм. Харин тархины баруун талын хагас бөмбөрцөг бидний харах, төсөөлөн бодох, мэдрэх, байршил, хэлбэр дүрсийг таних, ямар нэгэн зүйлд хандах хандлагыг удирддаг өөрөөр хэлбэл мэдэрдэг тархи болдог.

Аль талын тархи маркетеруудад хэрэгтэй худалдан авах шийдвэрт хэрхэн нөлөөлдөг тухай сэдэв бүрэн утгаараа нейромаркетингийн асуудал болж хувирна. Худалдан авах зүй, Брэндийн мэдрэхүй бүтээлээрээ олны танил болсон Мартин Линдстром бүтээгдэхүүнээ брэнд болгохыг хүсвэл мэдэрдэг тархинд зориулсан маркетинг хийх талаар зөвлөсөн байдаг. Яг түүний зөвлөснөөр Singapore Airlines компани өнгө, үнэр, үйлчилгээний ажилтнуудын хувцасны материал, аялгуу, хоолны амт зэргийг цогцоор шийдэж үйлчлүүлэгчийн сэтгэл ханамжийг хангалттай хэмжээнд нэмж маркетингаа шинэ төвшинд хүргэсэн амжилт байдаг. 2012 оны Өмнөд Солонгосын парламентын сонгуулийн сурталчилгаанд нейромаркетинг амжилттай хийсэн нэр дэвшигч ялалт байгуулсан тухай Reuters агентлагийн сурвалжлагч нийтэлсэн гэх зэрэг нь мэдрэмжийн шийдвэрт нөлөөлөх нөлөөллийн хүчийг улам бүр тодотгож байна. Мэдрэмжийг бидний мэдрэхүйн төгсгөлүүд буюу мэдэхүйн эрхтнүүдээр дамжуулж өдөөж болдог. Энэ бол мэдрэмжийн маркетингийн шууд арга юм.

Маркетингийн идэвхжүүлэлт хийхдээ

Милтон Фридманы хэлсэнчлэн хүний мөнгийг хүн хамгийн харалган цардуулдаг гэдэг санаа зарим нэг байгууллагуудын хийж байгаа нөлөөллийн ажлаас илт харагддаг. Хэдэн жилийн өмнө Хотын соёл гэдэг уриалга хэлбэртэй нэр маркетингийн сувгуудаар дүүрэн өрнөж байсанг санах хүмүүс цөөнгүй байгаа байх. Ямар зорилготой байсан гэдгийг нь мэдэхгүй ч үр дүнтэй кампанит ажил болсон эсэхэд эргэлзмээр. Яагаад гэвэл тэр ажлын үр дүнд олон хог хогийн саванд орсон уу? Үүнтэй адил олон бизнесийн нөлөөллийн ажил үр дүнгүй болдог.

Зан үйлд нөлөөлнө гэдэг нь маркетингийн кампанит ажлын гол үр дүн болдогыг туршлагатай маркетерууд сайн мэддэг учраас арай өөр шийдлээр мөнгөө зарцуулдаг. 

Хэрэглэгчийн зан үйл судлал, зан үйлийн эдийн засаг, нейромаркетинг гэх шинэ салбар шинжлэх ухаануудын гол судлагдахуун нь хэрэглэгч хэрхэн эдийн засгийн шийдвэр гаргадаг, ямар хүчин зүйл түүнд нь их нөлөөлдөгийг судалдаг. Уламжлалт эдийн засгийн загварууд хэрэглэгчийн шийдвэр гаргалтыг тайлбарлаж чадахгүй хэн бүхэн л мэддэг байсан ч түүнээс сайныг нээгээгүй байсан бол одоо тархи судлал, зан үйлийн судлалын дэвшилтийн ачаар боломжтой болж байна.

Хүний зан үйлийг бидний логик сэтгэхүйгээс илүүтэй далд ухамсар жолооддог. Зан үйлийн эдийн засгийн олон туршилтууд, нейро шинжлэх ухааны олон судалгаанууд хүний зан үйлд нөлөөлөхөд анхаарах олон ойлголтыг тодорхойлсон байдаг.

Тэгвэл хүний зан үйлд нөлөөлөхийн тулд юу хийх хэрэгтэй вэ?

Маркетингийн шалгалтууд

Маркетингийн улсын шалгалт дээр сууж байхдаа ингэж бодлоо. Оюутнууд цуглуулсан 120 кредитээ хамгаалж 100 асуултад бэлдэж билет сугалаад 3 асуултад хариулж байна. Олонх нь бэлтгэл тааруухан шинжтэй сэдвүүдийг хамгийн сайн мэдэх сэдэв болгож ярих хандлагатай. Урьд шөнө нилээ суусан янзтай нүд нь улайж, арьс нь тослогжиж гялалзана. Ухаалаг утсаа орчин үеийн шифигээр ашиглахыг оролдоно. Сэдвээ мартвал нүд нь бүтээлч тархинаасаа хайлт хийж байгааг илтгэнэ. Өөрөөр хэлбэл зохиож ярихыг оролдоно гэсэн үг. 20 минутын дотор онол зохионо, эрдэмтдийн бүтээлийг өөрийн саналаар хачирлана. Мундаг оюутнууд, мунхаг нөхдүүд бас өдрийн од мэт гарч ирнэ. Хамгийн ихээр хүлээн зөвшөөрөгддөг стандарт тархалт шалгалтын үед мөн ажиглагдана. Гурван ‘А’, гурван ‘F’, таван ‘B’, таван ‘D’, хамгийн олон буюу арван ‘C’ үнэлгээг авна. Багш нар хүний амьдрал гэдэг нэрээр оюутнуудыг өрөвдөнө, оюутнууд ганцхан удаа юм чинь гээд багш нараа хуурахыг хичээнэ.

Хуулж байгаа болон хуулахыг хичээж байгааг самбар дээр зогсоод харж үзээгүй болохоор шалгалтын үед самбар дээр ‘Хуулах гэдэг нэг  их муухай биш харин хүн хуурах л муухай, Хүнээс тусламж авах сайхан харин хүнээс долоон доор гэдгээ мэдрэх нэг их сайхан биш’ гэж бичээд ч нэмэргүй байдаг байх.

Нэг удаагийн шалгалт ингээд өнгөрнө. Шалгалтын ширээ гэж дайллаганы ширээ мэт болж хоолны үнэр шалгалтын сэдвийг хачирлаж, билетийн асуулгыг тосолно. Гэвч маркетингийн менежер болохыг зорьж сурсан нь үнэн юм бол, хийж бүтээе гэж бодож байгаа бол маркетингийн жинхэнэ шалгалтад л бэлтгэх хэрэгтэйсэн дээ.

Маркетингийн мэргэжилтэн болсон өдрөөс эхлэн алхам тутамд шалгалтууд авч эхэлнэ. Та ямар сэдвээр диплом бичсэн, шалтгаанд ямар билет сугалснаас үл хамааран шууд асууж эхэлнэ. Дипломыг чинь үзэж чамайг ажилд авсан дарга чинь байлцаж бизнесийн амьдрал чамаас шүүлгэ авна.

№1 Билет: Хувь хүний маркетинг

Чи ноёны бөх биш юм бол хичээхээс өөр аргагүй. Сурч байхдаа, төгсөхдөө, өөрийнхөө байр суурийг олон олтлоо хичээх л хэрэгтэй. Чи өөрийнхөө хамгийн хурднаар гүйж байгаа хүнтэй зүйрлэ. Хажуугаар чинь чамаас долоон доор нөхдүүд аавынхаа нэрээр, авилгалын буянаар, урдаас нь татах, араас нь түлхэх олон шалтгаанаар хурдтай өнгөрөх болно. Гэхдээ энэ богино хугацааны амжилт гэдэгт итгэ. /хувь хүний маркетинг/

Сургуулиа төгссөний дараа хамгийн эхний шалгалт бол бизнесийн харилцаа байх болно. Чи ажлын ярилцлага, шалгалт өгч, тандаж өгсөн даалгавруудыг хийж эхэлнэ. Өөрийгөө танилцуулах, анхны сэтгэгдэл төрүүлэх, албан бичиг боловсруулах, захидал, CV, өргөдөл бичихээс эхлээд шалгалтын асуултууд мундахгүй. Хэр дүн авах нь чи яг чадаж байгаа эсэхээс л хамаарна. Оюутан байхад нэг багш маань цавуутай хавтсыг чинь үзэж та нарыг ажилд авах газар байхгүй гэж хэлсэн нь тухайн үед утгагүй санагдсан бол өнөөдрөөс харахад онч мэргэн үг байжээ гэж бодож байна.

№2 Билет: Маркетингийн менежмент

Ажил хийж эхлэх эхний өдөрт чамаас энэ билетийн асуултыг асуухгүй байх, магадгүй хэзээ ч асуухгүй ч байж магад. Чи хуучин хийдэг байсанг нь хийж, хэлж өгсөнг гүйцэтгээд нөгөө онол үнэндээ надад туслахгүй нь гэж бодож ч болох юм. Гэвч энэ билетийн асуулт маш чухал үүрэгтэй. Хэрвээ чи өөрөө санаачлаг гарган маркетинг менежментийн нүдээр харж асуудал дэвшүүлэхгүй бол байдаг зүйл байдгаараа өнгөрнө. Энэ билетийн асуултад унах, амжилттай хариулах нь таны үнэ цэнэтэй шууд холбоотой. Та сайн даргатай байгаад сайн гүйцэтгэж сайн маркетер болж болох ч шилдэг маркетер болж чадахгүй. Тахиануудтай хамт гаргасан замаар гүйлдэх үү, шонхор болж дээгүүр дүүлэх үү? гэж асуусантай адил шалгалт тийм агуулгатай байна.

Мерчандайзинг ба эмийн сан

Бизнесийн удирдлагын ухаанд бас ч үгүй ихээхэн чухал сэдэв бол мерчандайзинг юм. Худалдааны байгууллагууд ихээхэн ашиглаж үр дүнг хүртэж байгаа боловч эмийн сангийн хүрээнд хэрэгжилт төдийлөн сайн биш байдаг. Тиймээс мерчандайзинг хамгийн чухал 9 алтан дүрмийг таниулъя.

1. Таныг олоход амархан байх: Эмийн сангийн хаяглалтыг маш сайн шийдэх хэрэгтэй. Аль болох том шөнийн цагт гэрэлтдэг байх нь эмийн сан тэнд байгаа гэдгийг сайн зааж өгдөг. Заавал ногоон өнгийг ашиглах шаардлагагүй бөгөөд бусдаас ялгарах өнгө, шийдлийг чөлөөтэй сонсож болно. Хамгийн гол нь таны олсон өнгө шийдэл цогц байдлаар эмийн сангийн нүүр царай болохыг анхаарах хэрэгтэй.
2. Таны өнгө таныг илтгэж байх: Ногоон өнгө бол эмийн сангийн өнгө биш энэ түрүүлж нээгдсэн тухайн эмийн сангийн өнгө. Цэнхэр өнгө тайвшруулна, ногоон өнгө нүд амраана, улаан өнгө манлайлна, шар өнгө хөгжилтэй, хүрэн өнгө хүндэтгэл, ягаан өнгө золбоотой байдлыг илтгэдэг. Түүнчлэн өнгөний хослолоо өөрийнхөөрөө зөв сонгох хэрэгтэй.
3. Нарны гэрэл эсвэл цагаан гэрэл: Цонхон дээрээ бүтэн стикер наах нь тийм ч сайн арга биш. Эмийн санд гэрэл гэгээ хангалттай байх хэрэгтэй. Чийдэндээ сүүн гэрлийг сонгох хэрэгтэй. Ингэснээр хүний бүтээгдэхүүнд итгэх итгэл нэмэгддэг.
4. Зөв өрөлт хураалтыг хийх: Лангуун дээр өрөлт хураалт хийх хэд хэдэн дүрэм байдаг. Хамгийн эхлээд тэгш хэмийг онцгой анхаарах хэрэгтэй дараагийн ээлжид харааны чиглэл, хүний харааны төвлөрөх цэг, өнгөний шилжилт зэргийг бодох хэрэгтэй.
5. Бараа өөрөө өөрийгөө зардаг: Барааны өрөлтийг хамгийн багадаа 2 ширхэг байхаар өрөх хэрэгтэй. Олон эгнээ өрсөн бараа гэнэтийн худалдан авалтыг хамгийн их өдөөдөг бөгөөд харагдах байдлын хувьд ч зохимжтой байдаг.

Бүтээлч хурал

Уламжлалт хурал: Ажлын хэсгүүд санал бүхий илтгэл тавина. Эхлээд дарга нар санаагаа хэлнэ. Зарим нэг нөхдүүд санал нэгтэйгээ илэрхийлнэ. Шинэлэг санаа, шүүмжтэй асуудлууд мэр сэр орно. Нэг хоёр аргументыг олон янзаар тайлбарлана. Хүмүүс дуустал нь сонсож яг залгуулаад санаагаа хэлэхийг хичээж сонсох биш эхлэх гэж хичээж сууна. Цаг сунжирсан гэдгийг мэдээд асуудлыг хурдан шийдэх гэж оролдоно. Ам цангана, гэдэс дуугарна, бөгс чилнэ. Тэгээд хойшлуулна, дахин судлуулна эсвэл шууд шийднэ. Хурлын дараа хоолон дээр ямар тэнэг шийдвэр вэ гэдэг тухай ярина.

Яг үнэндээ ийм хурлыг олон хүн мэднэ байх.

Бүтээлч хурал: Хүмүүс бүгд гэрийн даалгавартай ирнэ. Хурал эхлэхийн өмнө 10 минут гаргаж өгнө. Хурлын өрөөнд бүгд зэрэг орж ирээд болж өгвөл тойрог хэлбэрээр суухыг хичээнэ. Хүн бүрд цагаан цаас өгнө. Санал хүсэлтүүдээ бичнэ. Хурал дээр 2 хүнээс бүрдсэн багууд үүснэ. Саналуудаасаа шигшээд баг бүр дундаасаа 3 санал гаргана. Саналууд ерөнхийдөө шийдлүүд байна. Баг бүрийн 3 шийдэл самбар дээр бичигдэнэ. Шийдэл тус бүрийн талаар хэлэлцүүлэг өрнүүлнэ. Ажлыг яаж хамгийн муу явуулах талаар bad list гаргана. Сайхан шийдлүүдээ сөрөг талд алдахгүй байхад хэрхэн анхаарахаа тодорхойлно. Санал хураана. Ажлын дараалал тодорхойлж ажлын хэсгүүд гарна. Цаг ямар хурдан өнгөрөөв гэнэ. Хоолон дээр хурал дээр ярьсан хөгжилтэй агшинг дурсана. Дараагийн хурал дээр олон хуучин сонин, сэтгүүл, хайчилбар, будгийн харандаагаар юу хийх гэж байгаа юм болоо гэж бодно.

Яг өнөөдөр ийм хурал хийлээ. Саналууд их гарч бүтээлч байдал сэргэв.

Үйлчилгээний маркетинг: Инээмсэглэл зарна

Инээмсэглэл бол гайхалтай зүйл. Гэхдээ энэ гайхалтай зүйлийг бид бидний төрөлх зүйл гэдгээс илүүтэй болзолт рефлекс хэлбэрээр ойлгох нь алдаа болдог. Үйлчлүүлэгч орж ирээд тань руу харахад та заавал инээмсэглэх ёстой гэж бодоод хичээвэл сайн болж өгөхгүй байх болов уу. Яагаад гэвэл чин сэтгэлийн инээмсэглэлийг бодлыг удирддаг зүүн тархи бүтээж чадахгүй.  Харин та эсрэгээрээ тэр хүн рүү хараад танд би юугаар туслах вэ? гэж чин сэтгэлээсээ хүсвэл нүүрэнд тань дулаахан инээмсэглэл өөрийн эрхгүй тодорно. Та харин тухайн инээмсэглэлээ бүү хориглоорой. Хамт сууж байгаа бие биенийгээ огт танихгүй хүмүүсийг зүгээр нэг нэгэн рүүгээ харахыг хүсэхэд бүгдийнх нүүрэнд инээмсэглэл тодордог байна. Инээмсэглэл бол төрөлх шинж чанар юм.

Маркетингийн төлөвлөгөө гаргах

Онол, практик 2 хол зөрдөг. Амьдрал дээр гараад л амьдралтайгаа нэхий дээлээ уралцанадаа гэж ярьдаг бас тэгдэг олон хүнийг сайн мэдэх юм байна. 

Ардын багш намайг уйлуулдаг дуулуулдаг

Аз болоход нөхөд минь надад хичээл хуулуулдаг  Ардын багш /Татар/

Хүний хамгийн сайн хийдэг гурван оюун үйлдлээр асуудлыг хэрхэн шийдэж болохыг туршиж үзье. 

Бизнесийн хэл нь бүртгэл тооцоо

Бизнесийн салбарын ирээдүйн чиг хандлага

Хүний нийгмийн чиг хандага бизнесийн голлох чиг хандлага болж байдаг. Ирээдүйд байгалийн нөөц бололцоо улам бүр хомсдож, хүний амьдрах орчин улам бүр бохирдож түүнийг бид техник, технолгийн дэвшилийг ашиглан нөхөхийг хичээнэ. Яг үүнтэй адил бизнесийн удирдлагын салбарт экологи, байгал орчинд ээлтэй байх, дахин боловсруулах, шинэлэг техник технологи ашигласан, үр дүн өндөртэй бүтээгдэхүүн үйлчилгээг бий болгож хэрэглэгчдэд хүргэх гэсэн санаа улам бүр эрчимжих болно.

Нөгөө талаас шинжлэх ухаануудын хөгжихийн зэрэгцээ бизнест тухайн нээлтийг ашиглах, ингэснээр бусдаас давуу талыг олж авах гэсэн уралдаан улам бүр нэмэгдэх болсон нь цаашдаа бизнесийн ирээдүйн төлөв байдлыг тодорхойлоход чухал нөлөөтэй байна. Бизнесийн салбарын ирээдүйн чиг хандлага бүрдэхэд чухал нөлөө үзүүлэх хүчин зүйлсүүд дараах байдалтай байж болно. Үүнд:

Бизнесийн салбарын эрдэмтэд

Салбарууд өөрийн хөгжлийн шатаар явж дараа дараагийн үе нь өмнөх оролт амжилтаар сууриа хийдэг. Бизнесийн салбарыг судлахыг хүсвэл гол төлөөлөгчид болон тэдний бүтээлтэй танилцах нь зүйн юм.

Бизнесийн удирдлагын салбарыг өнөөгийн хөгжилд хүргэхэд дараах хүмүүс чухал хувь нэмэр оруулсан байдаг. Бизнесийн удирдлагын салбарын зарим нэг төлөөлөгчид:

• Игор Ансоф: Бизнест стратегийн менежментийн суурь загварыг гаргахад үнэтэй хувь нэмэр оруулсан бөгөөд багийн нэгдмэл байдал, хүлээлт болон гүйцэтгэлийн хоорондын зөрүүний загварыг боловсруулсан юм. Түүний голлох бүтээл нь: Корпорацийн стратеги
• Петер Дракер: Менежментийн голлох зарчимуудыг боловсронгуй болгосон бөгөөд ажилчид болон мэдлэгийг удирдах талаар олон санал санаачлага гаргаж байсан. Түүний голлох бүтээл нь: Менежментийн практик
• Фридрик Тайлер: Маш олон нээлт, патентын эзэн тэрээр бизнес эрхлэнэ гэдэг бол нарийн төлөвлөсөн, хяналт бүхий үйл ажиллагаа гэж тодорхойлж шинжлэх ухааны менежментийг санааг үндэслэсэн. Түүний голлох бүтээл нь: Шинжлэх ухааны менежмент

Маркетингийн чанарын судалгаа

Нилээд хэдэн жилийн өмнө хатуу хавтас, хэдэн асуулга, хоёр гурван бал цүнхлээд хөл хөдөлгөөн ихтэй газруудаар их явдаг байжээ. Наашаа харсан хүн бүрийг царай алдаж, хүмүүсийн ааш занд таарах гэж бөмбөлзөөд хэдэн судалгааг арай ядан бөглүүлдэг байж билээ. Судалгааны асуулга олон хуудас байвал, үсгийн хэмжээ жижиг байвал, дугуйлах бус бөхлөх /нээлттэй асуулт/ зүйл ихтэй байвал, асуултаа тод хэлж асуухгүй бол асуулганд оролцсон хүн маань болилоо гэж хэлээд яваад өгөх тун амархан байдагсан. Ялангуяа асуулгын сүүл хэсэг бол шийдвэрлэх хэсэг. Учир нь олон асуултад хариулсан хүн залхах, салахын түүс болж хурдан хурдан өнгөцхөн хариулах явдал их гардаг. Хэрвээ тухайн хүний тэвчээр нь алдагдвал дутуу бөглөсөн асуулгатайгаа хочрох аюултай. Тэгээд л судлаач өөрийн асуух шаардлагагүй гэж бодсон яг л ‘Таны хүйс’ гэсэн асуулт шиг асуултуудыг алгасаад, үсрэх боломж бүрийг ашиглаж мэдэхгүй гэж дугуйлж / мэдэхгүй мянган үгний таглаа гэж үнэн шүү/ цаг, бал хоёроо хэмнэдэг байж билээ.

Судалгаанд явж байгаа найдваргүй нөхдүүд ч цөөнгүй. Нэг дулаахан орцонд сууж байгаад л өөрийгөө 10 хүний оронд тавьж судалгаанд хариулна. Бусдадаа муу зүйл заана, арга мэх газар авна тэгээд цагийн ажлаасаа халагдана. Нэг иймэрхүү зүйл байнга л гарна.

Зарим үед оффис сууж судалгаан дээр ажиллана. Гэхдээ сэргэлэн зан багатай, дуу цөөнтэй боловч хурдан хуруутай оюутнууд шивэгчнээр ажиллана. Аргаа барж авчирсан хэдэн асуулга бүрийг энд компьютерт шивж оруулна. Өдөржингөө 1, 2 гэсэн тоог урд хойно оруулж шивнэ. Хөгжим сонсож байгаад, ОО орохын өмнө яараад гээд олон тохиолдолд зөрүүлээд бичих явдал цөөнгүй гардаг байлаа. Иймэрхүү алдаануудыг хэдэн мянган нүдэн дундаас олоод харах сүрхий судлаач байдаггүй нь асуудал болж үлддэг байж дээ.

Гавал гарууд бас орж ирнэ. Хичээл дээр багшийн маруухан заасанг давуулан сурсан нөхдүүд ажилд орж ирнэ. Судалгааны програм дээр ажиллана, шивэлтийн шийт үүсгэнэ гэж томорно. Зарим нэг судалгааны энгийн хүснэгтүүдийг бэлдэж өгнө. Судлаачид хянаж эцэслэнэ. Үр дүнгүүд эхнээсээ гарч эхэлнэ.

Бүх гарсан үр дүнгүүдийг нэгтгээд тайлан бичнэ. Монгол бичгээр бичих үү, кириллээр бичих үү, оросоор бичих үү, англиар бичих үү л болно.

Хүснэгт файлаас танилцуулга файл руу хуулахдаа андуурах эндүүрэх зүйл бас гарна. Ямар төгс хүн гэж байх биш.

Маркетингийн аятайхан судалгаа хийе гэж зорино. Хоёр гурван сая төгрөг үрнэ. Түүвэрлэхээс эхлээд тайлан хамгаалах хүртэл алдаа маш их гарна. Гэвч хийсэн юм хойно үр дүнг нь хэрэглэнэ. Маркетингийн судалгааг зөвхөн тоон судалгаагаар ойлгодог бол үнэхээр ингэж эрсдэлээ хүлээхээс өөр аргагүй. Харин чанарын судалгааны дүртэй маркетерууд бол өөрөөр хийнэ.

Тоон судалгаа чанарын судалгаа хоёр хавсарч маркетингийн шийдвэрт нөлөөлөх мэдээллийг боловсруулж чаддаг. Тоо судалгаагаар том жижиг, их багатай адил хэлбэр талын мэдээлэл олж авна. Чанарын судалгаагаар харин чухал, чухал бус, хүчтэй, сул гэх агуулгын нарийн мэдээлэл олж авна. Хааяа нэг тоон судалгаа хийдэг туршлагатай багатай бол хийсэн судалгаандаа итгэх хэрэггүй гэж сайн зөвлөгөө өгье.

Чанарын судалгааны хүрээнд ганцаарчилсан ярилцлага, фокус бүлгийн ярилцлага, ажиглалт, туршилт, бүтээлч семинар, мэтгэлцээн судалгаа, пост модерн гэх аргуудыг ашиглаж болно. Хамгийн өргөн ашигладаг нь фокус бүлгийн ярилцлага бөгөөд хэрэглэгчтэй хоможенус бүрээр нь уулзаж ярилцах боломжийг мөн өгдөг. Амархан судалгаа гэж хэлж чадахгүй. Учир нь хэрхэн халаах, хэрхэн өдөөх, асуултууд, ажилбарууд, харилцан яриа, чөлөөт уур амьсгал, чиглүүлэх, доминант нөхдүүдийг болиулах гээд асуудал бас гардаг.

Төгсгөлд нь маркетингийн шийдвэрээ судалгаан дээр үндэслэж гаргаж байгаа бол сайн хэрэг харин дахиад ахиулаад чанарын судалгаа хийгээд сурчихвал бүүр сайн гэж хэлэх гэсэн юм.

Маркетерын нүд

Юмсийг хүмүүс өөр өөрийн нүдээр янз бүрээр хардаг. Хүний харах өнцөгт хүний мэргэжил нь бас ихээхэн нөлөөтэй байдаг. Нэг танил маань юмыг програмчны нүдээр харж алгоритм шиг хариултуудыг нь дуржигнуулаад хэлдэг. Миний мэдэх зарим эмч нарын харах өнцөг шинж тэмдэг, өвчин, угжрал, эмчилгээ гэдэг нэршилтэйгээ ойролцоо хэлбэртэй санагддаг. Нэг хуульч ‘хүн бол муу амьтан хэзээч гэмт хэрэг хийж болзошгүй учир хуулийг, ер нь бүх юмыг цоорхойгүй хийх хэрэгтэй’ гэж ярьж байх жишээтэй.

Тэгвэл маркетерууд ямар өнцгөөр хардаг бол? Магадгүй мөнгө гэж харах болов уу? Үгүй байгаасаа, хэрвээ аливаа зүйлсийг мөнгө гэж харвал бүх үйлдэл нь үнэгүйдэнэ.  

Цаг хугацааны явцад маркетеруудын харах өнцөг өөрчлөгдөж байснаар Маркетингийн үүсэл хөгжлийн түүхийг мөн өгүүлж болно.

Маркетингийн үндсэн асуудлууд ба маркетингийн судалгаа

Marketing essencials and marketing research

View more presentations from badraa.

Мэдээллийн уурхай буюу Data mining

Нейро холбоо бүхий програм хангамжийг ашигладаг болсоноор 2005 оноос хойш томоохон судалгааны төслийн дараагаар мэргэжилтний өгч чадах нарийн мэдээллүүд болох зах зээлийн сегментчлэл, зорилтод зах зээл, хэрэглэгчийн худалдан авах зан төлөвийн талаарх шийдлийг 20 минутанд компьютертын тусламжтай авах боломжтой болсон.

Нейро холболтыг үүсгэдэг програм хангамж нь хүний тархины бүтэцтэй адилхан загварчлагдсан бөгөөд маш олон задгай мэдээллийн дундаас тэдгээрийн уяалдаа холбоог гаргаж ирэх чадвартай юм. Зөвхөн шинэ шинэ уяалдаа холбоог гаргаж ирэхээс гадна өөрөө тэдгээр мэдээллээс суралцдаг гэж хэлж болно. Өөрөөр хэлбэл хиймэл оюун ухаанд ойртсон програм хангамж гэсэн үг.

Драгон Эг эмийн маркетинг /case study/

Драгон Эг эм нь төрөл бүрийн стерсс тайлах, тайвшруулах хамгийн шилдэг бүтээгдэхүүн бөгөөд олон улсад эрэлт маш өндөр байдаг. Гэвч эмийн ихэнх эрэлт нь өндөр тунгаар хэрэглэн мансуурах хэрэгцээтэй холбоотой байдаг. Монголд эм бэлдмэлийг олон нийтийн мэдээллийн хэрэгслээр сурталчлан таниулах хориотой байдаг бөгөөд энэ төрлийн эмийг зөвхөн эмчийн заавраар өгдөг юм. Драгон Эг-ийн хэрэгцээ Монголд өндөр байгаа боловч эрэлт муу байгаа. Учир нь эмний танигдсан байдал муу, хэрэглэгчдэд хүрэх мэдээллийн сувгууд хязгаарлагдмал байгаатай холбоотой юм. Өрсөлдөгч нэр төрлийн эмүүд зах зээл дээр нилээд амжилттай явж байгаатай холбогдон эм нийлүүлэгч компани зах зээлд бүтээгдэхүүнийг шинээр байршуулах, хэрэглэгчдэд хүргэх төлөвлөгөө гаргахаар ажиллаж байгаа. Төлөвлөгөөгөө гаргахдаа ямар дарааллаар, хэрхэн гаргах талаар шийдэлд хараахан хүрээгүй байгаа учраас бие даасан судалгааны байгууллагад хандахаар шийджээ.

Асуулт:

1. Судалгааны байгууллагаас ямар туслалцаа авах талаар саналаа гарна уу?
2. Маркетингийн шийдвэр гаргахад яг ямар мэдээлэл хэрэгтэй байгаагаа тодорхойлно уу?
3. Судалгааны байгууллагаас туслалцаа авахгүйгээр хэрэгжүүлж болох ямар санал санаачлага байгаа вэ?

Өрсөлдөх чадвар тvvний 10 алтан дvрэм

2-хэсэг

3-р хэсэг

Зөн билгийн маркетинг

Хөөе хэнээ, ингэвэл эсвэл тэгвэл яг яах гээд байнаа хө.

Маркетингийн тэргүүлэх судалгааны байгууллага болох Коперник http://www.copernicusmarketing.com маркетеруудын дунд түгээмэл байдаг 4 миф /Myth/ -ийн талаар зөвлөгөө өгсөн байдаг. Өнөөдөр Монгол маркетеруудын түгээмэл шинж гэж хэлж болохоор эдгээр зүйлс зөн билгийн маркетингийн үндсэн суурь нь мэт санагдав.

1-р миф: Брэндийн ирээдүй нь бөөнөөр нь худалдан авдаг гол харилцагчаас хамаарна.

Зөвхөн гол харилцагч дээрээ анхаарч ажиллах хэрэгтэй. Тэд бидэнд их орлого оруулдаг учраас тэднийг алдахгүй байх тал дээр төвлөрч ажиллах нь зүйтэй гэх мэтийн зөвлөгөөг сонсож дагаж байдаг маркетерууд 1-р мифийн итгэгчид юм. Олон хүн Портерын хүчин зүйлийн загварыг ашиглаж өрсөлдөөний шинжилгээ хийж байсан байх. Худалдан авагчийн хүчин зүйлийг энд эргэн санах хэрэгтэй. Хэрвээ таны бизнес цөөн хэдэн худалдан авагч, харилцагчаас хамаарч байгаа бол аюул. Хэзээ ч тэд нүүрээ буруулж магад. Монгол хэрэглэгчийн зан төлөвийн талаар эрдэмтэдийн бичдэг, тайлангаас харагддаг зүйл ерөнхийдөө а. Хувьсамтгай б. Хуйлрамтгай гэсэн шинжүүд байдгийг бодох хэрэгтэй. Тиймээс зөвлөгөө хэлэхэд бизнесийн портфолиогоо зөв хуваарьлах хэрэгтэй. Яаж гэдэг нь стратегийн маркетингийн ажил.

Котлер хэлэхдээ...

Үнэ цэнэ гэдэг зүйл маркетингийн амин сүнс болж байна. Хуучин бол борлуулалт маркетингийн ноён оргил болж байсанг санаж байгаа байх.

Сайн маркетер болоход...

Бид хичнээн чадварлаг маркетер байх нь нэг хэрэг. Харин хэр сайн хүн байхаас хэр шудрага маркетер байх нь хамаарна.

Marketing research - part II